Qoʻshimcha funksionallar
-
Tungi ko‘rinish
Aqto‘be fojiasiga kavshar lampa sabab bo‘lgan
Qozog‘istonning Aqto‘be viloyatidagi fojiaga kavshar lampa sabab bo‘lgan. Bu haqda Qozog‘iston IIV rahbari o‘rinbosari Yerlan Turgumbayev xabar berdi. Hodisa oqibatida O‘zbekistonning 52 fuqarosi halok bo‘ldi.
«Avtomashina dvigateli o‘chib qolgani va mashinada sovuq bo‘lgani tufayli, ushbu avtobusda payalnik (kavshar lampasi) isitish uchun ishlatilgan. U ikki soatdan ortiq vaqt davomida ishlagan», - deya aytib o‘tdi Turgumbayev.
Uning so‘zlariga ko‘ra, yong‘in «benzinga to‘la idish tasodifan to‘kib yuborilganida» boshlangan.
«Tabiiyki, gaz-benzinli aralashma avtomashinaning butun saloniga tarqagan, benzin idish tasodifan to‘kib yuborilganida esa, yong‘in yuz bergan, u deyarli darhol, 5 daqiqa davomida bu avtobusda bo‘lgan barcha fuqaroning hayotiga zomin bo‘lgan», - deya aytib o‘tgan vazir o‘rinbosari.
Eslatib o‘tamiz, avvalroq FVV Aqto‘be fojiasida halok bo‘lgan 49 fuqaro ro‘yxatini e'lon qilgani, Shavkat Mirziyoyev esa Aqto‘be fojiasining asl sabablari haqida to‘xtalgani xabar berilgandi.
Aqto‘beda fojia
Qozog‘istonda yo‘lovchi avtobusi yonib ketishi oqibatida kamida 52 kishi halok bo‘ldi. Ular O‘zbekiston fuqarolari edi
Mavzuga oid
11:59 / 13.03.2023
Qozog‘istonda buzilgan avtobusdan 63 nafar O‘zbekiston fuqarosi evakuatsiya qilindi
20:30 / 09.04.2021
Sergeyev supergol yo‘llagan o‘yinda 8ta gol kiritilib, «Aqto‘be» kambek ko‘rsatdi
13:10 / 19.01.2021
Aqto‘be fojiasiga 3 yil. Qurbonlar yodi va oilalarning keyingi taqdiri
15:09 / 13.02.2020