Test sinovlarining beshinchi kuni natijalari ma'lum qilinmoqda

Respublika oliy ta'lim muassasalariga kirish test sinovlarining beshinchi kuni – 5 avgust natijalari ma'lum bo‘ldi.

Test sinovlari shaxsni identifikatsiyalash vositalari, videofiksatsiya hamda doimiy videokuzatuv qurilmalari bilan jihozlangan 57 ta binoda 18 ta oliy ta'lim muassasalarining 97 ta ta'lim yo‘nalishi bo‘yicha o‘tkazildi.

Test sinovlarida 57 676 nafar abituriyent ishtirok etdi, sinovlarga 1 738 nafar abituriyent kelmadi.

Test sinovlari tartib qoidalarini buzganligi sababli 115 nafar abituriyent test sinovlaridan chetlashtirildi.

Test sinovlariga guruh nazoratchilari sifatida 2 404 nafar o‘qituvchilar jalb etildi.

Davlat granti bo‘yicha eng yuqori o‘tish bali: 184,8 ball, Toshkent davlat sharqshunoslik institutining «Jahon siyosati (mintaqalar bo‘yicha)» ta'lim yo‘nalishi;

To‘lov-kontrakt bo‘yicha eng yuqori o‘tish bali: 164,1 ball, Toshkent davlat sharqshunoslik institutining «Tarix (mamlakatlar va mintaqalar bo‘yicha)» ta'lim yo‘nalishi.

O‘rtacha o‘tish bali:
davlat granti – 111,9 ball;
to‘lov-kontrakt – 90,0 ball.

Test sinovlari natijalari Davlat test markazining dtm.uz saytida 2018 yil 6 avgust kuni soat 18.15da e'lon qilinadi.