«O‘zbekiston pochtasi»ning Samarqand filiali rahbari 40 000 dollar bilan ushlandi
Joriy yilning 22 sentabr kuni Samarqand viloyati Oqdaryo tumani Loish shaharchasida yashovchi U. Yo.ning murojaatiga asosan o‘tkazilgan tezkor tadbirda, «O‘zbekiston pochtasi» AJ Samarqand filiali direktori Sherali Umarov yuqori turuvchi rahbarlarga va o‘ziga jami 100,0 ming AQSh dollari berishini talab qilib, shundan 40,0 ming AQSh dollarini o‘z xizmat xonasida olgan vaqtda ashyoviy dalillar bilan ushlangan. Bu haqda Bosh prokuratura Axborot xizmati Kun.uz'ga ma'lum qildi.
Ma'lum qilinishicha, Umarov filialning ma'muriy binosi hududidan 30x7 metr yer maydonini U.Yoga ajratib berish uchun «O‘zbekiston pochtasi» AJning kuzatuv kengashi qarorini chiqartirib berishi evaziga pora talab qilgan.
Mazkur holat yuzasidan shu kunning o‘zida viloyat prokuraturasi tomonidan Umarov Sheraliga nisbatan JKning 168-moddasi 4-qismi «a» bandi, 28,211-moddasi 3-qismi «a» bandi bilan jinoyat ishi qo‘zg‘atilib, JPKning 221-moddasi tartibida ushlangan. Jinoyat ishi yuzasidan dastlabki tergov harakatlari viloyat prokuraturasi tomonidan olib borilmoqda.
Mavzuga oid
19:23 / 25.09.2024
Samarqandda qarovsiz holda quritib yuborilgan bog‘lar masalasi prokuratura nazoratiga olindi
16:16 / 25.09.2024
Toshkentdan Buxorogacha tezyurar poyezdlar uchun yangi temiryo‘l quriladi - prezident
19:33 / 24.09.2024
Xalqaro miqyosdagi ko‘zbo‘yamachilik: Samarqandda qurib yotgan uchta bog‘
12:50 / 24.09.2024