1 fevraldan jarimalar, yig‘imlar va davlat bojlari oshmaydi

Hujjatga ko‘ra, 2020 yilning 1 fevralidan bazaviy hisoblash (223 000 so‘m) o‘zgarishsiz qoldi.

Eslatib o‘tamiz, 1 sentyabrdan boshlab O‘zbekistonda «eng kam ish haqi» o‘rniga «mehnatga haq to‘lashning eng kam miqdori» kiritildi.

Bazaviy hisoblash quyidagilarni aniqlash uchun qo‘llanadi:
- soliqlar, yig‘imlar, jarimalar, davlat bojlari va ko‘rsatilayotgan davlat xizmatlari uchun to‘lovlar miqdorini;
- tadbirkorlik faoliyatining muayyan turi bilan shug‘ullanish uchun patent (litsenziya) to‘lovlari hamda qonun hujjatlarida belgilangan boshqa to‘lovlar miqdorini.

Qayd etish kerakki, bunga qadar ma'muriy jarimalar va boshqa to‘lovlar eng kam ish haqi miqdoriga bog‘lab qo‘yilgandi va ish haqi oshishi bilan to‘lalanadi jarimalar miqdori ham oshar edi.

Biroz avvalroq, prezident qarori bilan budjet tashkilotlari va muassasalari xodimlari ish haqlari, pensiya, stipendiya, nafaqa hamda kam ta'minlangan oilalarga moddiy yordamlar miqdori 1,07 baravarga oshirilishi xabar qilingandi.