Elektron ishonchnomani rasmiylashtirish narxi ma’lum qilindi
Elektron ishonchnoma uchun alohida to‘lov tartibi belgilangan. 6 oydan ortiq muddatga beriladigan ishonchnomalar uchun davlat boji – 3 BHM – 900 ming so‘m.
1 sentabrdan boshlab avtotransportni boshqarish uchun ishonchnomalarni my.gov.uz orqali ham, masofadan ham qulay narxda rasmiylashtirish mumkin.
Haydovchilar ishonchnoma olish uchun notarial idora izlab yurmaydi, hujjatni tasdiqlatish uchun navbatlarda ham turmaydi. Barcha jarayonlar onlayn amalga oshiriladi.
Hujjat unutib qoldirilganida ham muammo yuzaga kelmaydi. Ishonchnomalar YPX xodimlari tomonidan elektron tekshiriladi.
Elektron ishonchnoma uchun alohida to‘lov tartibi (davlat boji – BHM 3 baravari – 900 ming so‘m) belgilangan.
Bunda davlat boji:
- 1 oygacha bo‘lgan muddatga – 10 foiz (90 ming so‘m);
- 6 oygacha bo‘lgan muddatga – 50 foiz (450 ming so‘m);
- 3 yilgacha bo‘lgan muddatga – 100 foiz (900 ming so‘m) miqdorida undiriladi.
Bundan oldin 1 sentabrdan fuqarolar va yo‘lovchi tashish litsenziyasiga ega yuridik shaxslar o‘rtasidagi transport ijarasi shartnomalarini notarial tasdiqlash talab qilinmasligi xabar berilgandi.
Mavzuga oid
12:25 / 01.07.2024
Notariusga bormasdan amalga oshiriladigan notarial harakat turlari ko‘paydi
14:00 / 16.04.2024
«Toza havo» oyligi: O‘zbekistonda transport vositalari ekologik nazoratdan o‘tkazilmoqda
10:43 / 22.02.2024
Yuk va yo‘lovchi tashishda avtotransportga yo‘l varaqalari elektron yuritiladi
09:41 / 15.09.2023