O‘zbekiston va Qirg‘iziston Xavfsizlik kengashlari o‘rtasida maslahatlashuv o‘tkazildi
Qirg‘iziston Xavfsizlik kengashi kotibi Marat Imonqulov boshchiligidagi delegatsiyaning mamlakatga tashrifi doirasida Toshkentda tashkil etilgan O‘zbekiston prezidenti huzuridagi Xavfsizlik kengashi apparati va Qirg‘iziston Xavfsizlik kengashi kotibiyati o‘rtasidagi maslahatlashuvning ikkinchi davrasi nihoyasiga yetdi.
O‘zA xabariga ko‘ra, maslahatlashuv chog‘ida xalqaro terror, ekstremizm, transmilliy uyushgan jinoyatchilik, giyohvand moddalar noqonuniy aylanmasi singari mintaqaviy xavfsizlik bilan bog‘liq tahdid, xavf-xatarlarga qarshi kurash bo‘yicha hamkorlikni yanada rivojlantirish masalalari muhokama qilindi.
Tomonlar konstruktiv hamkorlikni bundan keyin ham qo‘llab-quvvatlashga sodiqligini, xavfsizlik sohasidagi O‘zbekiston-Qirg‘iziston sherikligini, shartnomaviy-huquqiy bazani mustahkamlash, birgalikdagi amaliy sa’y-harakatlar mexanizmini muvofiqlashtirish orqali rivojlantirishga qat’iy tayyor ekanligini tasdiqladi.
Uchrashuv yakunida xavfsizlikni ta’minlash sohasidagi hamkorlikni yanada kengaytirish va chuqurlashtirishga qaratilgan aniq yo‘nalishlar, chora-tadbirlar belgilangan maslahatlashuv protokoli imzolandi.
Mavzuga oid
18:49 / 20.09.2024
Qirg‘izistonda korrupsionerlar va ularning qarindoshlariga davlat lavozimida ishlash taqiqlanadi
22:04 / 16.09.2024
Qirg‘izistondan O‘zbekistonga ot uyurini noqonuniy haydab o‘tmoqchi bo‘lganlar ushlandi
20:33 / 14.09.2024
Vodiydagi tantana, Boysundagi mavhumlik va AES bo‘yicha yakuniy bitim - hafta dayjesti
19:03 / 14.09.2024