Mirziyoyev ko‘p qirrali hamkorlikni ilgari surishda MDH ahamiyatini qayd etdi
O‘zbekiston prezidenti MDH bosh kotibini qabul qildi.
O‘zbekiston prezidenti Shavkat Mirziyoyev 1 may kuni Konstitutsiya bo‘yicha referendumni kuzatuvchilar missiyasi boshchiligida mamlakatimizda bo‘lib turgan Mustaqil Davlatlar Hamdo‘stligi bosh kotibi Sergey Lebedevni qabul qildi.
Davlat rahbari Hamdo‘stlik bosh kotibi va missiya a’zolariga mamlakatimizning barcha hududlarida faol ishlagani hamda referendumning borishi va natijalariga yuksak baho bergani uchun minnatdorlik bildirdi.
O‘z navbatida, Lebedev O‘zbekiston yetakchisi va ko‘p millatli xalqini referendum jarayonlari yuksak xalqaro talablari va standartlariga muvofiq muvaffaqiyatli tashkil etilgani bilan qutladi.
Uchrashuvda referendum yakunlari Yangi O‘zbekistonni barpo etish va mamlakatimizda demokratik yangilanishlarni davom ettirishda muhim bosqich bo‘lishiga ishonch bildirildi. O‘zaro manfaatli, eng avvalo, savdo-iqtisodiy, sanoat va transport sohalaridagi hamkorlikni mustahkamlashda MDH muhim o‘rni qayd etildi. Hamdo‘stlik makonida investitsiyalar jadal sur’at bilan o‘sayotgani ta’kidlandi, joriy yilning mart oyida Samarqand shahrida o‘tgan Tashqi ishlar vazirlari kengashi majlisining samarali natijalari yuqori baholandi.
Faol gumanitar almashinuvlarni bundan buyon ham davom ettirishga alohida e’tibor qaratildi.
Mavzuga oid
22:23 / 20.08.2024
Lukashenko MDH davlatlarini Rossiyaga nisbatan xudbinlikda aybladi
08:50 / 03.07.2024
O‘zbekistonning MDH mamlakatlari bilan tashqi savdo aylanmasi 5 oyda 8,8 mlrd dollarga yetdi
10:12 / 11.06.2024
O‘zbekiston MDHda sud-ekspertlik kengashini tashkil etish to‘g‘risidagi bitimni tasdiqladi
18:51 / 12.04.2024