Toshkentda havo ifloslanishi “juda xavfli” darajaga chiqdi
3 yanvar oqshomida poytaxt havosi tarkibidagi PM2,5 zarralari miqdori JSST belgilagan me’yordan 35 barobarga oshib ketib, Toshkent havo ifloslanishi reytingida dunyo shaharlari orasida ikkinchi o‘ringa ko‘tarildi.
3 yanvar kuni Toshkent shahrida havo ifloslanishi yana yuqori darajaga chiqdi.
O‘zgidromet ma’lumotiga ko‘ra, tongi soat 8:00 holatiga poytaxt havosi tarkibidagi PM2,5 mayda dispersli zarralar 1 metr kub havoda 67,5 mikrogrammga yetgan. Bu – Jahon sog‘liqni saqlash tashkiloti tavsiyalaridan (5 mkg/m3) 19 barobarga ko‘p.
Shunga ko‘ra, IQAir portali 3 yanvar tongida Toshkent havosining sifat ko‘rsatkichini “xavfli” toifaga kiritgan edi.
Oqshomga yaqin havo ifloslanishi yanada ortib, soat 18:00 holatiga “juda xavfli” toifasiga o‘tdi: 1 metr kub havo tarkibidagi PM2,5 konsentratsiyasi 173 mikrogrammga yetdi. Bu – JSST tavsiya qilgan me’yoriy ko‘rsatkichdan 35 barobarga yuqori.
Ushbu natija bilan Toshkent shahri 3 yanvar oqshomida dunyo shaharlari orasida havo ifloslanishi bo‘yicha 2-o‘ringa chiqdi.
Soat 20:50 holatiga PM2,5 zarralari 104 mkg/m3 miqdorida – “xavfli” darajada qolmoqda.
Mavzuga oid
14:04 / 22.09.2024
Toshkentda katta tezlikda harakatlangan haydovchi 19 yoshli qizning hayotiga zomin bo‘ldi
07:30 / 21.09.2024
Toshkentda mashinasini sotishni aytib, o‘zganing pulini o‘zlashtirgan shaxs ushlandi
14:28 / 20.09.2024
Sergelida BYD urib yuborgan o‘quvchi qiz vafot etdi
12:20 / 20.09.2024