Toliblar AQSh fuqarolarini hibsda saqlayotganini tan oldi

Afg‘onistonni boshqarayotgan «Tolibon» harakati kamida ikki AQSh fuqarosini hibsda ushlab turibdi. Bu haqda 31 mart kuni Afg‘oniston hukumati vakili Sabiulloh Mudshahid TOLOnews afg‘on telekanaliga ma’lum qildi. 

Uning so‘zlariga ko‘ra, bu amerikaliklar «afg‘on qonunlarini buzgani» uchun hibsga olingan - Mudshahid gap qaysi qonunlar haqida ketayotganini aytmadi. Biroq, uning qo‘shimcha qilishicha, «Tolibon» rahbariyati ular yuzasidan AQSh rasmiylari bilan muzokaralar olib bormoqda. 

O‘tgan hafta Afg‘onistonda 2022 yil avgustidan beri qamoqda saqlanayotgan Amerika fuqarosi Rayan Korbettning rafiqasi CBS telekanaliga eri bilan 12 daqiqa davomida telefon orqali gaplashgani va uning ahvolidan xavotirda ekanini aytdi. AQSh Davlat departamenti Korbettni ozod qilish ustida ishlayotganiga ishontirdi.

Afg‘onistonda xorijliklarning qo‘lga olinishi 

Afg‘onistonda toliblar qo‘lida aniq qancha xorijlik fuqarolar asirlikda ekani noma’lum. Xususan, sentabr oyida mamlakatda 50 yildan ortiq vaqtdan beri faoliyat yuritib kelayotgan International Assistance Mission (IAM) xristian gumanitar tashkilotning 18 nafar xodimi Kobul shahri va G‘or viloyatida ushlangani xabar qilingan edi. Toliblar ularning barchasini missionerlik faoliyatida ayblagan. 

Fevral oyi oxirida Afg‘onistonda dam olishni mafkuraviy jihatdan yaqin nashrda ilgari surgan avstriyalik o‘ng qanot ekstremist to‘qqiz oylik qamoqdan so‘ng ozod etildi, deb xabar beradi dpa. Agentlik bu shaxsning ismini oshkor etmadi. Toliblar uni josuslikda ayblagan.

2023 yil oktyabr oyida toliblar Afg‘oniston qonunlarini buzganlikda ayblangan to‘rt nafar Britaniya fuqarosini ozod qildi. 2022 yil sentabrida esa ikki yil avval toliblar tomonidan asirga olingan AQSh HDF faxriysi va fuqarolik muhandisi Mark Frerixs ular tomonidan 17 yilni Amerika qamoqxonasida o‘tkazgan afg‘on narkobaroniga almashtirildi. 

«Tolibon» harakati 2021 yilda Afg‘onistonda hokimiyatni qo‘lga kiritdi.