Наманганда ёшлар томонидан янги спектакль намойиш этилди

“Наманган ёшлар маркази” ва Наманган санъат коллежи ҳамкорлигида биринчи маротаба ёшлар иштирокида турли зарарли иллатларга қарши курашишни тарғиб этувчи “Одноклассникидаги алдов” номли спектакль намойиш этилди.

Мазкур асарнинг асосий мазмун-моҳияти ижтимоий тармоқлар орқали янги дўстлар билан танишиб, ор-номусини унутган йигит гавдалантирилган. Воқеалар ривожи шуни кўрсатадики, ҳатто у ўз синглисини сотиб юборишдан ҳам толмайди.

Маълумот ўрнида айтиш жоизки, мазкур намойиш бугун кенг жамоатчилик, хусусан фаол ёшлар ва ўқитувчилар иштирокида намойиш этилди. Яқин кунларда спектаклни Наманган вилояти бўйлаб намойиш этиш режалаштирилган.