Қозоғистонлик пойгачининг ўғли билан бирга амалга оширган дрифти интернетни забт этмоқда

Ўзининг кичик ёшдаги ўғли билан тест-драйвлар амалга оширувчи қозоғистонлик пойгачи Антон Авдеев ўғли билан дрифт учун мўлжалланган “Тойота”да ёнбошлаб кетаётганлари акс этган видеони интернетга жойлаштирди.

“Мен ва 5 ёшли ўғлим Mobilex трассасида Тойота JZ86 Gorilla Tru автомобилида ёнбошлаб ҳаракатланмоқдамиз”, деб изоҳ берди видеога Авдеев.

Авдеевнинг айтишича, унинг 5 ёшли ўғли ҳақиқий экстримни амалга оширишга тайёр. Бу болакай учун биринчи дрифт эмас. Болакай 3 ёшидан бери қизиб кетган резинанинг ҳиди билан таниш.

Видеода болакай тезликдан қўрқмаслигини камерага намойиш қилмоқда.

Ота-бола ўз дрифтларини Олма-ота вилоятидаги махсус машғулотлар майдонида амалга оширишади.