“Барон”нинг навбатдаги трейлери эълон қилинди

Режиссёр Рустам Саъдиев томонидан суратга олинган “Барон” картинасининг навбатдаги трейлери эълон қилинди. Мазкур трейлердан фильмнинг эътиборли саҳналари ўрин олган.

Ушбу фильмнинг оммавий ахборот воситалари ҳамда маданият ва санъат намояндалари учун ёпиқ премьераси 2016 йилнинг 15 январь куни Алишер Навоий номли кино саройи кичик залида, кенг жамоатчилик учун эса тақдимот 16 январь куни Киночилар уйи ҳамда Алишер Навоий номли кино саройида ўтказилди. 20 январдан бошлаб мухлислар ўзбек кино тарихида илк бор 4К форматда тасвирга олинган ўткир сюжетли психологик драмани катта экранларда томоша қилиш имконига эга бўлишди.

Эслатиб ўтамиз, Рустам Саъдиевнинг “Барон” фильмида машҳур голливуд актёри Ғассон Маъсуд, россиялик киноактёрлар Павел Прилучный, Андрей Смоляков (Россияда хизмат кўрсатган артист), Фарҳод Маҳмудов (Россияда хизмат кўрсатган артист), Виктор Вержбицкий (Росия халқ артисти), ўзбек актёрларидан Улуғбек Қодиров, Дилноза Кубаева, Жамила Ғофурова, Жавоҳир Зокиров, Муҳаммад Исо Абдулхаиров, Ҳабибулло Низомов, Шаҳло Темирова, Шаҳзода Матчанова, Сейдулло Молдахонов, Алихон, Ёқуб Аҳмедов (Ўзбекистон халқ артисти), Беҳзод Ҳамроевлар роль ижро этади.

Фильм воқеалари Тошкент, Термиз, Бойсун, Москва, Истанбул шаҳарларида суратга олинди.