ФИФА рейтинги: Ўзбекистон 71-ўринда

ФИФА расмий сайти миллий терма жамоаларнинг янги рейтингини эълон қилди. Бу ҳақда ташкилот расмий хабар тарқатди.

Мазкур рейтингда Ўзбекистон терма жамоаси ўтган ойдаги кўрсаткичга нисбатаникки поғона юқорилаб, 71-ўринга кўтарилиб олди. Ўзбекистон миллий терма жамоаси ҳисобида 502 очко мавжуд.

Осиё мамлакатлари орасида эса Ўзбекистон бир поғона пастлаб, 7-ўринга тушди. Сабаби Саудия Арабистони терма жамоаси ўтган ойдагидан 20 поғона юқорилаб, 75-ўриндан 55га чиқиб олди.

Осиё терма жамоалари ичида ҳамон Эрон 1-ўрининни эгаллаб турибди. Кейинги ўринларни Жанубий Корея, Саудия Арабистони, Япония, БАА ва Австралия термалари эгаллаб турибди.

Умумий рейтингда Бельгия терма жамоаси ҳамон пешқадам бўлиб турибди. Кевин Де Брюйне етакчилигидаги терма жамоадан кейинги ўринда Аргентина ҳамда Испания терма жамоалари жой олган.
Амалдаги Жаҳон чемпиони — Германия эса тўртинчи поғонада бормоқда.

Қуйида ТОП-10 ва Ўзбекистон терма жамоаси ўрни билан танишиб олишингиз мумкин:

1 (1). Бельгия – 1494 очка
2 (2). Аргентина – 1455
3 (3). Испания – 1370
4 (4). Германия – 1347
5 (5). Чили – 1273
6 (6). Бразилия – 1251
7 (7). Португалия – 1219
8 (8). Колумбия – 1211
9 (9). Англия – 1106
10 (10). Австрия – 1091...
...
71 (73). Ўзбекистон – 502.