2015 йилда Ўзбекистонда энг кўп сотилган китоблар рейтинги эълон қилинди

«Янги аср авлоди» нашриёти маркетологлари томонидан 2015 йилнинг энг оммабоп китоблари рейтинги тузиб чиқилди. Бу ҳақда «Xushnudbek.uz» сайти хабар берган.

Мазкур рейтинг «Янги аср авлоди» нашриёти томонидан чоп этилган ва республика китоб дўконларида ҳамда ташкилотлар томонидан энг кўп сотиб олинган китоблар асосида тузилган.

Якуний натижаларга кўра, 2015 йил давомида китобхонлар томонидан энг кўп сотиб олинган китоб «Камолот кутубхонаси» рукнида чоп этилган дунёга машҳур ўзбек шоираси Зулфиянинг «Баҳор келди сени сўроқлаб» шеърий тўплами бўлди. 2015 йил давомида 9942 дона шеърий тўплам харид қилинган.

Иккинчи ўринда «30 шагов к русскому языку», учинчи ўринда эса инглизча—ўзбекча луғат қайд этилган. Йил мобайнида ўзбек миллий адабиёти намоёндалари Худойберди Тўхтабоев, Абдулла Қодирий, Чўлпон, Ғафур Ғулом, Пўлат Мўмин ҳамда жаҳон адабиётининг машҳур адиблари Жалолиддин Румий, Эрнест Ҳемингуэй, Даниел Дефо, Паоло Коэльо, Стендаль каби ижодкорларнинг асарлари китоб савдосида етакчилик қилиб келган.

2015 йилда энг кўп сотилган китоблар рейтинги:

1. Зулфия. «Баҳор келди сени сўроқлаб» – 9942 дона
2. «30 шагов к русскому язику» – 6414 дона
3. «Инглизча-ўзбекча луғат» – 6213 дона
4. Х.Тўхтабоев. «Сариқ девнинг ўлими» – 6130 дона
5. Ибратли эртаклар. «Кенжа ўғил» – 6077 дона
6. Х.Тўхтабоев. «Сариқ девни миниб» – 6010 дона
7. Э.Ҳемингуэй. «Чол ва денгиз» – 5343 дона
8. «Топ, топ, топишмоқ» – 5025 дона
9. Д.Дефо. «Робинзон Крузо» – 4969 дона
10. А.К.Дойл. «Шерлок Холмс ва доктор Уотсон саргузаштлари» – 4963 дона
11. П.Коэльо. «Алкимёгар» – 4870 дона
12. Д.Карнеги. Уч китобдан иборат тўплами. – 4733 дона
13. А.Қодирий. «Ўткан кунлар» – 4645 дона
14. Ғ.Ғулом. «Шум бола» – 4180 дона
15. Ж.Румий. «Ичингдаги ичингдадур» – 4165 дона
16. Чўлпон. «Кеча ва кундуз» – 3601 дона
17. Д.Карнеги. «Ўз ўзига ишонч ҳосил қилиш» – 3447 дона
18. Д.Карнеги. «Дўст орттириш…» – 3454 дона
19. Пўлат Мўмин. «Бўладиган болалар» – 2943 дона
20. Стендаль. «Қизил ва қора» – 2940 дона.