Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Ўзбекистон | 14:38 / 26.02.2016
    9243
    2 дақиқада ўқилади

    Дунёнинг яшаш учун энг яхши шаҳарлари рейтингида Тошкент 205-ўринда қайд этилди

    Тошкент шаҳри Mercer консалтинг компанияси томонидан тузилган, яшаш учун дунёнинг энг яхши шаҳарлари қайд этилган рўйхатда 205-ўринда қайд этилди. Рўйхатда дунёдаги 230та шаҳар ўрин олган.

    Mercer (Mercer Quality of Living Survey) 18 йилдан буён дунёдаги мегаполисларни яшаш шароитларини баҳолаш билан шуғулланиб келади. Рейтингда 10та мезон, жумладан, сиёсий барқарорлик, соғлиқни сақлаш, таълим, жиноятчилик даражаси, бўш вақт тақсимоти ва транспорт хизмати кабилар инобатга олинади.

    МДҲ давлатлари бўйича энг яхши натижани Литва пойтахти Вильнюс қайд этган (79 ўрин). Шунингдек, Таллин (Эстония, 89 ўрин), Рига (Латвия, 90 ўрин), Москва (РоссияЮ 167 ўрин) ва Санкт-Петербург (Россия, 174 ўрин), Киев (Украина, 176 ўрин), Тбилиси (Грузия, 188 ўрин), Минск (Беларусь, 190 ўрин), Боку (Озарбойжон, 197 ўрин), Ашхабод (Туркманистон, 208 ўрин), Бишкек (Қирғизистон, 210 ўрин), Душанбе (Тожикистон, 214 ўрин).

    Рўйхатдаги биринчи ўрин Венага тегишли. Австрия пойтахтидан кейин Цюрих (Швейцария), Окленд (Янги Зеландия), Мюнхен (Германия), Ванкувер (Канада), Дюссельдорф (Германия), Франкфурт (Германия), Женева (Швейцария), Копенгаген (Дания) ва Сидней (Австралия) каби шаҳарлар жойлашган.

    Бу борада энг охирги ўринда эса Бағдод (Ироқ) қайд этилган. Шунингдек, Банги (МАР), Сано (Яман), Порт-о-Пренс (Гаити), Хартум (Судан), Нжамена (Чад), Дамашқ (Сурия), Браззавиль (Конго республикаси), Киншаса (Конго) ва Конакри (Гвинея) каби шаҳарлар рейтингнинг қуйи ўринларида келтирилган.

    Дунёнинг яшаш учун энг яхши шаҳри аниқланди