Собиқ жаҳон чемпиони Майк Тайсон ўзининг уйини сотувга қўйди

Бокс бўйича собиқ жаҳон чемпиони Майк Тайсон ўзининг Лас-Вегас водийсидаги Хендерсон ёпиқ ҳудудида жойлашган уйини 1,5 млн долларга сотувга қўйди. Сотилаётган уйнинг нархи боксчи унга тўлаган нархдан 250 минг долларга арзонроқни ташкил қилмоқда. Боксчи бу уйни баскетболчи Жален Роуздан 2008 йилда сотиб олган.

Уй яқиндагина таъмирдан чиқарилганига қарамасдан, 49 ёшли боксчи уйи жойлашган кўчадан янада каттароқ уйни сотиб олгани сабаб уни сотишга қарор қилган.

Янги уй Майкга 2,5 млн долларга тушган. Янги уйда 6 та ётоқхона, ҳовуз, ички ҳовлида камин бор. Майкнинг сотилаётган уйида ҳам ҳовуз, уйга кираверишда шаршара, 5 та ётоҳхона, 6 та санузел, 3 та дам олиш зонаси, винолар сақланадиган ертўла, мультимедиа хонаси бор.

"Темир Майк" 20 йиллик боксчилик фаолиятида 400 млн долларга яқин пул ишлаб топган, бироқ 2003 йилда банкрот деб тан олинганди. Бироқ 2-3 йилдан кейин Тайсоннинг ишлари шунчалик юришиб кетганки, у яна қимматбаҳо уйлар сотиб олишни бошлаган.

Тайсон бир қатор мағлубиятсиз жанглари эвазига машҳурликка эришган, бир неча бор турли чемпионлик унвонларини қўлга киритган. Ўз вақтида дуёнинг энг зўр боксчиси деб ҳисобланган. Тайсон, шунингдек, 55 тадан кўпроқ фильмда ўзини ўйнаган.