Fly Dubai авиакомпанияси Ростовда қулаган Boeing самолётида Ўзбекистон фуқароси бўлганини тасдиқлади

Fly Dubai Ростовда қулаган самолётида бўлган йўловчиларнинг фуқаролигига аниқлик киритди. Компания баёнотида маълум қилинишича, бортда Россиянинг 44 нафар, Украинанинг 8 нафар, Ҳиндистоннинг 2 нафар ва Ўзбекистоннинг 1 нафар фуқароси бўлган.

Авиакомпания марҳумларнинг яқинларига ҳамдардлик билдирган.

Эслатиб ўтамиз, 19 март, шанба куни FlyDubai авиакомпаниясига тегишли Boeing 737-800 лайнери Россиянинг Ростов-Дон шаҳри аэропортига қўниш вақтида ҳалокатга учради. Ҳодиса оқибатида 62 киши — 55 йўловчи ва экипажнинг 7 аъзоси ҳалок бўлган.

Бундан олдинроқ, ушбу самолёт бортида бўлганлардан бири ўзбекистонлик бўлгани ҳақида хабар чиққан, Ўзбекистон ТИВ бу маълумотни текширишга киришганди.

Ростовда ҳалокатга учраган самолётда бўлганларнинг тўлиқ рўйхати эълон қилинди