Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 09:11 / 12.04.2016
    1890
    3 дақиқада ўқилади

    Темир Сариев: баъзи сиёсатчилар ўз манфаатларини давлат ва жамиятникидан устун қўядилар

    "Баъзи сиёсатчилар ўз манфаатларини давлат ва жамиятникидан устун қўядилар", деб айтди Қирғизистон бош вазири лавозимидан кетиш ҳақида ариза берган Темир Сариев ҳукуматининг навбатдан ташқари мажлисида.

    Темир Сариев 11 апрелда Қирғизистонда Балиқчи-Қўрамду автомобиль йўлини қуриш бўйича тендер натижалари маълум қилингандан кейин Қирғизистон ҳукуматида юзага келган можаро сабабли истеъфога кетишга ариза берди.

    Сариевнинг айтишича, депутатлар парламент минбарини ўз манфаатлари йўлида ишлатадилар. Сариевнинг фикрича, бу депутатлар томонидан қўллаб-қувватланадиган компаниялар тендерлардан ўта олмаган, шунинг учун улар ҳукуматни ёмон отлиқ қила бошлашган. "Уларни давлат қизиқтирмайди. Улар давлат машинасини ўз манфаатлари йўлида ишлатадилар. Қанот Исаев унинг "Империя групп" компанияси Балиқчи-Қўрамду автомобиль йўлини қуриш бўйича тендерда иштирок этишини истаган, бироқ ариза берилмаган. Молия вазирлиги бу компанияни умуман ноҳалол компаниялар қаторига киритмоқчи бўлган. Бу компания пулларни олиб, ўз ишини бажармаган ҳолатлар бўлган", деб айтди Темир Сариев.

    "Депутатлар комиссияси кўплаб процессуал камчиликлар топган. Бироқ ҳар бир ҳолат ҳужжат билан исботланиши керак. Қонун устуворлиги сиёсий элита томонидан ўз манфаатлари йўлида қўлланади. Бундай бўлиши мумкин эмас. Кўплаб қарорларни тиғизликда қабул қилганмиз. Ўшанда мен бу учун жавобгарликни шахсан ўз зиммамга олганман. Бироқ барча қарорлар қонуний ва давлат манфаати йўлида қабул қилинган. Депутатлар комиссияси ишига келсак, барча ташаббус Исаевдан чиққан. Қарорлар бир томонлама қабул қилинган. Энг мураккаб вазиятларда мен чекинмаганман. Ўтган ҳафтада мамлакатда сиёсий иқлим кескин ўзгарди. Мен ўз қарашларимни доимо ҳимоя қилганман ва ҳеч қачон ортга чекинмайман. Давлат манфаатлари ва жамиятдаги барқарорлик мен учун барчасидан устун. Мен бу принципимга бутун умрим давомида содиқ қоламан. Барча асоссиз айбловларга аниқ ишлар билан жавоб беришим мумкин", деб қўшимча қилди Сариев.