eBay Исроилнинг интернет хизматини харид қилди
Американинг eBay интернет савдо майдони Исроилнинг интернет савдоларини кенгайтириш хизмати билан шуғулланувчи SalesPredict компаниясини харид қилди. Компания истеъмолчиларнинг ҳатти-ҳаракатларини баҳолаш ва уларни ўзгартириш борасида иш олиб боради.
Қайд этиш жоизки, eBay мазкур битим билан сунъий ақл, машина воситасида ўргатиш ва big data (йирик маълумотларни сақлаш) соҳаларидаги фаолиятини давом эттиради. Бунгача, дунёнинг энг йирик кимошди савдо майдони шу соҳада фаолият юритувчи яна бир компания Expertmakerни харид қилганди. Янги келишувга кўра, SalesPredictнинг айрим ходимлари eBay жамоасига қўшилади. Исроил компаниясининг асосчилари Ярон Закаи-Ор ва Кира Радинскаялар eBayнинг Исроил бўлимида маҳсулотлар ва фан бўйича директор лавозимини эгаллашади.
Ҳозирча, битим нархи эълон қилинмаяпти. AfterDox, Redline Capital, KGC Capital ва Pitango Venture Capital каби фондлар 2012 йили ташкил этилган SalesPredict хизматининг сармоядорлари бўлган.
Мавзуга оид
23:07 / 23.09.2024
АҚШ Яқин Шарққа қўшимча ҳарбий кучларни юборади
21:44 / 23.09.2024
Исроил авиацияси Ливандаги юзлаб нишонлар бўйлаб зарбалар берди
18:30 / 22.09.2024
Исроил Ливандаги пейжерлар портлатилишига биринчи марта изоҳ берди
13:33 / 22.09.2024