АҚШ нефть захиралари қисқариши ортидан нефть қимматлашмоқда
4-август кунги савдоларда қора олтин нархи кўтарилмоқда. Бунга, АҚШ энергетика вазирлигининг мамлакатдаги бензин захираси сезиларли камайгани тўғрисидаги ахбороти сабаб бўлмоқда.
Тошкент вақти билан соат 9:44 да Brent русумли нефть аралашмасининг октябрь ойи фьючерси учун бир баррели 0,46 фоизга қимматлашиб, 43,30 долларга баҳоланди. WTI нефтининг бир баррели сентябрь ойи фьючерси учун 0,76 фоизга қимматлашган ва бир баррели 41,14 доллардан сотилган.
АҚШ энергетика вазирлиги хабарига кўра, мамлакатдаги тижорий нефть захираси кутилмаганда 1,4 миллион баррелга ортиб, 522,5 миллион баррелга етган. Таҳлилчилар, бу рақамнинг пасайишини тахмин қилишган эди.
Шунга қарамай, сармоядорларнинг эътиборини бошқа ҳисобот тортган. Хусусан, АҚШдаги бензин захираси ўтган ҳафтада 3,3 миллион баррелга камайиб, 238,2 миллион баррелга тушган. Экспертлар эса, бу борада 0,2 миллион баррель қисқаришини айтишганди. Шунга кўра, кўплаб сармоядорларнинг АҚШдаги ёнилғи захираси кўплиги борасидаги хавотирлари ўз тасдиғини топмаган.
Мавзуга оид
22:03 / 22.09.2024
Трамп дебат ўтказиш ҳақидаги Ҳаррис таклифини рад этди
23:13 / 21.09.2024
Ҳаррис сайлов кампаниясида Трампдан уч баробар кўп маблағ тўплади — ОАВ
20:40 / 21.09.2024
Шимолий Кореяга қочиб ўтган америкалик аскар шармандаларча армиядан ҳайдалгани маълум бўлди
17:10 / 21.09.2024