Жаҳоннинг биринчи ракеткаси ATP турнири финалида ғалаба қозонди

Фото: Kirsty Wigglesworth / AP

Жаҳоннинг биринчи ракеткаси британиялик Энди Маррей сербиялик Новак Жоковични профессионал теннисчилар уюшмаси – ATP’нинг Лондонда бўлиб ўтган 2016 йилдаги сўнгги турнирида мағлуб этди.

Маррей икки сетда рақибини 6:3, 6:4 ҳисобида доғда қолдирган. Беллашув 1 соат 43 дақиқа давом этган.

Шу билан британиялик теннисчи ATP якуний чемпионатларидаги илк совринини қўлга киритган. Таъкидланишича, мазкур ютуқ Маррейнинг жорий йилдаги 9-чи, фаолиятидаги 44-совринидир. Сербиялик Жокович эса, йилнинг якуний баҳсларида беш маротаба рақибларидан устун келган.

Маррей 6 ноябрда жаҳоннинг биринчи ракеткасига айланган эди. Сўнгги ғалаба туфайли у янги йилни рейтингнинг биринчи ўрнида кутиб олади.

#ATP #Энди Маррей #Новак Жокович