Трамп АҚШ байроғини ёқадиганларга нисбатан қатъий чоралар кўришни таклиф қилди
АҚШ президенти этиб сайланган Дональд Трамп АҚШ байроғини ёқиб юборувчи АҚШ фуқароларини жазолашни таклиф қилди. У бу ҳақда твиттерда ёзди.
"Ҳеч кимга АҚШ байроғини ёқишга рухсат бериш керак эмас. Агар кимдир буни қилса, унда бунинг оқибатларини ҳис қилиши керак. Эҳтимол, фуқароликдан маҳрум қилиш ёки бир йиллик қамоқ жазоси", деб ёзди миллиардер.
АҚШда байроқни таҳқирлаганлик учун расман жавобгарлик чораси йўқ, чунки бундай қилмиш учун жазолашни АҚШ конституциясига биринчи тузатма тақиқлайди. Бироқ фуқаро агар бошқа бировнинг мулки бўлган байроқни йўқ қилса, жавобгарликка тортилиши мумкин. Унда бундай одам суд қарорига кўра, байроқнинг нархига тенг жарима тўлаб бериши шарт.
Бироқ республикачилар давлат рамзини таҳқирлаганлик учун мажбурий жавобгарликни қайтаришни талаб қилмоқдалар.
Мавзуга оид
12:29 / 21.09.2024
Табиблик лицензиясига эга бўлмаган шахслар даволаш хизматини кўрсатгани учун жавобгарлик жорий қилинмоқда
11:39 / 29.08.2024
Пиротехниканинг қонунга хилоф муомаласи учун жавобгарлик кучайтирилди
08:14 / 29.08.2024
Ўқотар бўлмаган қуролни ўз ихтиёри билан топширганлар жавобгарликка тортилмайди
07:33 / 24.07.2024