Парижда Эдерни Евро-2016 финалида урган голи учун ёмон кутиб олишди
Португалиялик футболчининг Франциядаги ҳаёти осон кечмаяпти.
Пайшанба куни «ПСЖ» ва «Лилль» ўртасида Франция Лигаси Кубогининг 1/8 финали доирасидаги учрашув ўтказилди ва унда мезбонлар ғалаба қозонди – 3:1.
Парижлик мухлислар трибунада туриб меҳмонларнинг португалиялик ҳужумчиси Эдерга қарши обструкция (рақибни издан чиқариш учун ҳуштакбозлик) уюштиришди. Тўп унга келиши биланоқ шовқин-сурон қилинди ва Эдер 80-дақиқада захирага олинди. Португалиялик футболчини Евро-2016 финалида Францияга гол уриб, мезбонларни чемпионликдан маҳрум этгани учун кечиришмаяпти.
«Мен мухлисларнинг бундай хатти-ҳаракатларига изоҳ топа олмаяпман. Эдер Францияни мағлуб қилган эмас, у Португалияга ғалаба олиб келган. У ўз ватанига чемпионлик келтирган ва бу фақат ҳурматга лойиқ», – дея «Лилль» бош мураббийи Патрик Кольонинг ўйиндан кейинги сўзларини келтирган maisfutebol.iol.pt.
Эдер Европа чемпионати финалида қўшимча бўлимлар вақтида гол уриб, финал тақдирини ҳал қилганди. У Франция чемпионатининг жорий мавсумида «Лилль» сафида 17 бор майдонга тушиб, 3та гол урди.
Мавзуга оид
09:30 / 09.09.2024
Парижда Паралимпия ўйинлари якунланди. Хитой биринчи, Ўзбекистон — 13-ўринда
08:40 / 29.08.2024
Парижда ёзги Паралимпия ўйинлари очилди
08:17 / 27.08.2024
Париж прокурори: Дуров кибержиноятчилик иши бўйича ушланди
07:28 / 12.08.2024