Истанбулдаги терактда Америка фуқароси ўз телефони туфайли омон қолди
АҚШ фуқароси Якоб Раак 2017 йилнинг 1 январига ўтар кечаси Истанбулдаги Reina клубида содир этилган теракт давомида жароҳат олди, лекин унга қарата отилган ўқ мобил телефонига тегиб, артерияни четлаб ўтгани туфайли омон қолди. CNN Turk нашри шу ҳақида хабар берди.
Раак Истанбулга дўстлари билан 35 ёшлигини нишонлашга келган бўлган. Террорчининг ҳужуми давомида у оёқ қисмининг икки жойидан жароҳат олган. Бироқ шифокорларнинг сўзларига кўра, иккинчи ўқ Раакнинг чўнтагидаги мобил телефонга теккани учунгина артериягача етиб бормаган. Раак клубдан тўғри маҳаллий шифохонага олиб кетилган.
"Даҳшатли фожиа. Сизнинг юртингиз ажойиб, лекин афсуски, мана шундай даҳшатли терактларни содир этувчи кишилар бор", - дея ёзди Раак шифохонадан.
1 январга ўтар кечаси Reina клубига уюштирилган қуролли ҳужум натижасида Истанбулда 39 нафар киши ҳалок бўлди, 69 нафари эса шифохонага етказилди.
Мавзуга оид
17:58 / 11.09.2024
АҚШ тарихидаги энг йирик теракт — 11 сентябр воқеаларини акс эттирган суратлар
18:42 / 10.09.2024
Фирибгарликда гумонланиб, қидирувда бўлган шахс Туркияда ушланди
09:15 / 10.09.2024
Белгия: чеченистонлик шахс терактга тайёргарлик кўргани учун 15 йилга қамалди
11:22 / 06.09.2024