Ла-Лига. Торреснинг дубли «Атлетико»га ғалаба келтирди

Испания чемпионатининг 21-туридан ўрин олган яна бир учрашувда Мадриднинг «Атлетико» жамоаси «Леганесни қабул қилди.

Учрашувнинг 15 ва 51-дақиқаларида Фернандо Тореес томонидан киритилган голлар Диего Симеоне жамоасига ғалаба келтирди. Торрес дубли орқали «Атлетико» сафида киритган голлари сонини 100тага етказиб олганини алоҳида қайд этиб ўтиш жоиз.

Ушбу ғалабадан кейин мадридликлар ҳисобидаги очколар сони 39тага етди ва жамоа 4-ўринда бормоқда. «Леганес» эса 18 очко билан 17-поғонани банд этиб турибди.

Испания Ла-лигаси, 21-тур
Атлетико – Леганес 2:0 (1:0)
Голлар: Торрес (15, 51).
Атлетико: Мойя, Годин, Филипе Луис, Хуанфран, Савич, Коке, Габи, Сауль (Корреа, 46), Гайтан (Феррейра Карраско, 57), Гризманн (Врсалько, 73), Торрес.
Леганес: Яго Эррерин, Сиовас, Диас (Адамес, 72), Бустинса, Рико, Моран (Мачис, 77), Шимановски, Буэно, Лопес (Саму, 63), Инсуа, Герреро.
Огоҳлантиришлар: Моран (30), Савич (32).