Интернет тармоғида миллий контентни яратиш муҳокама этилмоқда
Ўзбекистон Республикаси норматив ҳуқуқий ҳужжатларнинг муҳокамаси порталида “Интернет тармоғида миллий контентни яратишни янада рағбатлантириш ва ривожлантириш бўйича чора-тадбирлар тўғрисида”ги Вазирлар Маҳкамаси қарори лойиҳаси муҳокамага қўйилди.
Ҳужжат муаллифи Ахборот технологиялари ва коммуникацияларини ривожлантириш вазирлиги.
Ҳужжатга кўра, Интернет тармоғида 2017-2019 йиллар давомида миллий контентни яратиш ва ривожлантиришни рағбатлантириш бўйича Комплекс дастур тасдиқлаш таклиф этилмоқда. Унда миллий контент ва веб-ресурсларни ривожлантиришни рағбатлантириш ва оммалаштириш, уларнинг ташкилий, моддий-техник ва молиявий кўмаги тизимини яратиш;
Интернет тармоғининг миллий сегментида фойдаланувчилар замонавий талабларига жавоб берувчи ахборот ресурслари, медиа-маҳсулотлар, бадиий, мультипликацион ва ҳужжатли фильмларни яратиш ва ривожлантириш, шунингдек, ОАВ ва Интернет-журналистикани ривожлантириш;
миллий контентни миллий ва хорижий ижтимоий тармоқларда ривожлантириш, миллий ижтимоий тармоқлар ва мессенжерлар фаолиятини такомиллаштириш каби қатор чора-тадбирлар белгиланган.
Ушбу қарор лойиҳаси муҳокамасида иштирок этмоқчи ва ўз фикрларини қолдирмоқчи бўлганлар қуйидаги ҳавола орқали керакли саҳифага ўтишлари мумкин.
Мавзуга оид
23:53 / 30.09.2024
Озарбойжонда ўзбекистонлик ҳарбийлар иштирокида «Маҳорат-2024» қўмондонлик-штаб ўқувлари бошланди
19:53 / 16.09.2024
Ўзбекистон АҚШ билан божхона соҳасидаги ҳамкорликка оид битимни имзолади
20:49 / 02.09.2024
Россиянинг Ўзбекистондаги элчиси республика билан алоқаларнинг ривожланиши ҳақида гапирди
20:37 / 31.07.2024