Братскда ёнғин туфайли 7 киши ҳалок бўлди

Россиянинг Иркутск вилояти Братск шаҳрида 7 киши ёнғин қурбонига айланди. Бу ҳақда фавқулодда вазиятлар вазирлиги вилоят бошқармаси сайтида хабар берилган.

«Железнодорожник» боғбончилик хўжалигидаги уй ёна бошлагани ҳақидаги хабар маҳаллий вақт билан соат 3:00да (Москва вақти билан соат 22:00) келиб тушган. Воқеа жойига ўт ўчирувчилар етиб келишганида бино олов ичида қолганди.

Ёнғин ўчирилгач, 7 кишининг жасади қолдиқлари топилган. Улар орасида 3 бола бўлгани айтилган.

Ҳодиса сабаблари ўрганилмоқда.