Венесуэланинг 7 млн фуқароси киберҳужум сабабли мобиль алоқасиз қолди
Венесуэланинг фан ва технологиялар ишлари бўйича вазири Угбель Роа Movilnet давлат телекоммуникация компаниясига катта кўламли киберҳужум амалга оширилганини маълум қилди.
Унинг айтишича, ҳужум оқибатида мамлакатнинг 7 млн фуқароси, яъни компания абонентларининг деярли ярми мобиль алоқасиз қолган.
“Жорий чоршанбада Movilnet давлат операторининг рўйхатидаги 13 млн фойдаланувчидан 7 млни алоқасиз қолди”, деб айтган вазир.
Роа бундай ҳужумларни “террорчилик ҳаракатлари” деб атади ва улар хорижий агентлар кўмагида тизимли равишда амалга оширилишини қўшимча қилди. У шунингдек мамлакатнинг 7 та штатида оптик-толали кабелга атайлаб шикаст етказилишининг янги ҳолатлари ҳақида хабар қилди.
Мобиль алоқа операторидан ташқари, бир қатор ҳукумат ташкилотларининг сайтлари ҳам кимберҳужум объектларига айланди. Ҳужум учун жавобгарликни Binary Guardians гуруҳи хакерлари ўз зиммаларига олганлар.
Мавзуга оид
23:16 / 19.09.2024
Европарламент Мадурони ҳибсга олиш учун ордер берилишини талаб қилди
19:59 / 15.09.2024
Венесуэла АҚШни мамлакатда давлат тўнтаришига тайёргарлик кўраётганликда айблади
14:00 / 09.09.2024
ЕИ Венесуэлада мухолифатни таъқиб қилишни тўхтатишга чақирди
18:15 / 08.09.2024