Despacito қўшиғи клипи YouTube’да рекорд ўрнатди
Пуэрто-риколик қўшиқчилар Луис Фонси ва Дэдди Янкининг Despacito қўшиғи клипи YouTube’да 4 млрд мартадан кўпроқ кўрилди ва намойишлар бўйича рекорд ўрнатди.
Бу ҳақда қўшиқ муаллифларидан бири Луис Фонси инстаграммида маълум қилди. Бироқ Фонси буни нишонлаш ўрнига, клип суратга олинган Пуэрто-Рико аҳолисига довул оқибатида кўрган талофатларни енгишда ёрдам беришга чақирган.
Қўшиқ нафақат 2017 йилнинг, балки охирги бир неча йилларнинг бош хитига айланди. Испан тилидаги қўшиқ онлайн-тинглашлар ва клипининг томоша қилиниши бўйича барча рекордларни ортда қолдирди.
Йил бошида жойлаштирилган клип 12 октябрда 4 млрд лик сарҳадни кечиб ўтди. Бу эса интернетда жойлаштирилган барча клиплар ичида рекорд ҳисобланади.
Бу борада 2-ўринни "Форсаж 7" фильмига ишланган ва Wiz Khalifa томондан ижро этилган "See You Again" қўшиғи клипи эгалламоқда. У 3 млрд мартадан кўпроқ томоша қилинган. Шунингдек, 2012 йилнинг хити бўлган ва кореялик қўшиқчи Psy томондан ижро этилган "Gangnam Style" қўшиғи клипида ҳам деярли 3 млрдлик намойиш бор.
Мавзуга оид
23:14 / 23.09.2024
YouTubeʼнинг энг машҳур юлдузи MrBeast’га суд таҳдид солмоқда
23:50 / 06.09.2024
YouTube ўсмирларнинг вазн ва фитнесга оид видеоларни кўришини чеклайди
23:05 / 04.09.2024
Россияда YouTubeʼни тезлаштираётган операторларга огоҳлантириш берилди
16:39 / 30.08.2024