Қўшимча функционаллар
-
Тунги кўриниш
Соиповнинг воқеа жойидаги ҳаракатлари акс этган видео пайдо бўлди
АҚШнинг Frustrated PaulRevere портали Facebook’даги ўз саҳифасида Нью-Йорк марказидаги Манхэттенда одамлар устига ҳайдаб борилган пикап ҳайдовчисининг қўлга олиниш жараёнини эълон қилди.
Кадрларда Сайфулло Соиповнинг пикапдан чиқиб, югуриб кетаётганини кўриш мумкин. Шу билан бирга, унинг қўлида тўппонча ҳам бўлган. Шундан сўнг камера уни ерга ётган ҳолда ушлаб турган икки полициячини кўрсатади.
Айни дамда теракт бўйича суриштирув ишларини АҚШ ФҚБси олиб бормоқда.
Дастлабки маълумотларга кўра, Соипов АҚШга бир неча йил аввал Ўзбекистондан келган ва Флорида ҳамда Нью-Жерсидаги Патерсон шаҳрида истиқомат қилган. У айнан Патерсонда терактни содир этишда ишлатилган автомобилни ижарага олган.
Аввалроқ Ўзбекистон Сайфулло Соипов ҳақидаги маълумотни текшираётгани хабар берилганди.
Нью-Йоркда теракт
31 октябрь, сешанба куни Манҳэттенда юк машинасини бошқарган шахс одамларни қасддан уриб юбориши оқибатида 8 киши ҳалок бўлди, 12 киши жароҳатланди. Терактни содир этишда гумон қилинаётган шахс келиб чиқишига кўра ўзбекистонлик Сайфулло Соипов.
Мавзуга оид
00:47 / 21.09.2023
Шавкат Мирзиёевнинг Ню-Йоркка ташрифи якунланди
10:57 / 08.09.2023
Нью-Йорк мэри ноқонуний муҳожирлар оқими шаҳарни вайрон қилиши мумкинлигини айтди
10:56 / 10.06.2023
Нью-Йоркда тутунли ҳаво яна бир неча кунга сақланиб қолади
22:30 / 08.06.2023