Xiaomi селфисеварлар учун янги смартфонлар сериясини намойиш этди
Xiaomi Ҳиндистондаги тақдимотида Redmi Y номли мутлақо янги смартфонлар сериясини намойиш этди. Қурилмалар кучли фронтал камералар билан таъминланган.
Сериянинг биринчи модели Redmi Y1 деб номланади. У кучли LED-ёритгичли, 16 мегапикселли фронтал камера билан жиҳозланган. Компания маълумотларига кўра, бундай юқори мегапикселга эга олд камера яхши ёритгич билан биргаликда жуда сифатли ва табиий автопортретлар яратишга қодир.
Янги смартфон 5,5 дюймли, 1280× 720 HD экранга эга. Процессор сифатида Qualcomm Snapdragon 435 қўлланган. Смартфоннинг 3 ёки 4 Гб оператив ва 64 Гб ички хотирали версиялари мавжуд.
Redmi Y1 қурилмаси MIUI 9 бета-версияси бошқаруви остида ишлайди, бир неча ҳафтадан сўнг эса барқарор версиягача янгиланиши керак. У энг янги Android 7.1.2 версиясига асосланган.
Нисбатан ҳамёнбоп моделнинг нархи - 140 доллар атрофида, хотира ҳажми кўпроқ вариант учун эса 170 доллар тўлашга тўғри келади.
Redmi Y1'нинг техник хусусиятлари:
- Дисплей: 5,5 дюйм, HD (1280 × 720), IPS, Gorilla Glass;
- Процессор: Qualcomm Snapdragon 435;
- Хотира: 3 ёки 4 Гб оператив ва 32 ёки 64 Гб ички.
- Камера: асосий — 13 Мп, фронтал — 16 Мп.
- Батарея: 3080 мАс.
Бундан ташқари, тақдимотда Redmi Y1 Lite смартфони ҳам намойиш этилган бўлиб, у юқорида келтирилган смартфонларнинг соддалаштирилган версиясидир. У нисбатан арзон Snapdragon 425 процессори ва оператив хотира ҳажмининг камроқ экани билан ажралиб туради. Бу, табиийки, маҳсулот нархига таъсир қилмай қолмайди - 115 доллар.
Redmi Y1 Lite'нинг техник хусусиятлари:
- Дисплей: 5,5 дюйм, HD (1280 × 720), IPS, Gorilla Glass;
- Процессор: Qualcomm Snapdragon 425;
- Хотира: 2 Гб оператив ва 16 Гб ички;
- Камера: асосий — 13 Мп, фронтал — 16 Мп;
- Батарея: 3 080 мАс.
Мавзуга оид
21:48 / 18.09.2024
Xiaomi смартфон ишлаб чиқариш бўйича Apple компаниясини ортда қолдирди
21:55 / 28.03.2024
2,78 сонияда 100 км тезлик, кутилганидан арзон нарх: Xiaomi илк электромобилини тақдим этди
23:31 / 16.01.2024
Xiaomi компанияси Redmi Note 13 смартфонлар сериясини тақдим этди
22:53 / 28.12.2023