Эксперт iPhone 8S қандай экран билан чиқарилишини билдирди
Яқинда савдоси бошланган iPhone X смартфонларини ишлаб чиқариш талабни қувиб етмоқда. Буюртма қилинган маҳсулотни етказиб бериш муддатининг 3−4 ҳафтадан 2−3 ҳафтагача қисқаргани шундай дейишга асос бўлади, дейди Rosenblatt Securities таҳлилчиси Жун Чжан. Унинг сўзларига кўра, Apple ишлаб чиқишни муваффақиятли тарзда кучайтирмоқда.
Харидорларни бироз узоқлаштираётган жиҳати смартфоннинг юқори нархдалигидир. У 999 доллар туради. Таҳлилчининг айтишича, Apple iPhone X смартфони нархини пасайтириши мумкин. Бунинг учун келаси йили OLED дисплй ўрнига LCD-экранли телефон таклиф этилади ва у iPhone 8S деб номланиши эҳтимол. Бундан ташқари, айрим харидорлар iPhone 8 телефонига эътибор бермаяпти. Улар аксинча, ундан арзонроқ 7-моделни маъқул кўришмоқда.
Дастлабки ҳисоб-китобларнинг кўрсатишича, ўрта тоифадаги харидорлар iPhone 7 смартфонини танламоқда. Бирмунча бойроқ аҳоли қатлами эса, iPhone X телефонини маъқул кўрмоқда. Rosenblatt Securities маълумотларига қараганда, шу вақтгача дунё бўйлаб 7−8 млн дона iPhone X сотилган. Apple декабрь ойига келиб, флагман телефонини ишлаб чиқариш ҳажмини 25 млндан 26−27 млн донагача етказади.
Мавзуга оид
19:46 / 11.10.2024
Хитойда iPhone ишлаб чиқарувчи завод ходимлари ҳибсга олинди
20:57 / 07.10.2024
Apple янги қурилмаларни ҳар йили чиқаришни тўхтатади — ОАВ
21:11 / 05.10.2024
6 минг сохта iPhone билан Apple компаниясини чув туширган фирибгарлар жазоланди
22:57 / 28.09.2024