ПФЛ янги логотипи намойиш этилди

Ўзбекистон Профессионал футбол лигаси янгиланган логотипини тақдим этди. Бу ҳақда ташкилот расмий сайти хабар тарқатди.

«Танлов эълон қилингач, ЎзПФЛга кўплаб муаллифлардан турли кўринишдаги логотиплар келиб тушди. ЎзПФЛ қошида тузилган махсус комиссиянинг хулосасига кўра логотип танлаб олинди ва ЎзПФЛнинг расмий логотипига айланди.

Демак, мазкур логотип барча профессионал клублар фаолиятига жорий этилади. Клубларнинг расмий хатида, спорт кийимида, стадион баннери ва бошқа фаолиятида ушбу логотип акс эттирилади», дейилади хабарда.