Volkswagen афсонавий «Қўнғиз» даври тугагани маълум қилди
Volkswagen автомобилсозлик компаниясининг техник ривожланиш йўналиши раҳбари Франк Уэлш компания томонидан Beetle (Қўнғиз) моделининг тақдири бўйича якуний қарор қабул қилинганини маълум қилди.
Autocar нашрининг таъкидлашича, 2017 йил ноябрда компания 2011 йилда қайта тикланган моделнинг 2-авлоди пайдо бўлиши мумкинлигини айтган. Бу вазиятда Beetle электрокарга айланиши керак эди. Бироқ компания бу фикридан қайтган.
Айтиш жоизки, машина дастлаб Kafer деб номланган бўлиб, 1938 йилдан 2003 йилгача сезиларли ўзгартиришларсиз ишлаб чиқарилган. Volkswagen 2011 йилда “Қўнғиз”ни янгилаб, уни Beetle деб номлаган.
Уэлшнинг фикрича, “Қўнғиз” афсонавий модел бўлса-да, “5-марта мутлақ янги Beetle’ни яратишнинг имкони йўқ”.
Автомобилнинг ишлаб чиқарилиши тўхтатилиши муддатлари ҳозирча маълум қилинмаган.
Автомобиль узоқ танаффусдан кейин 1997 йилда тикланган. Бугунги кунда автомобилнинг оммавийлиги кескин пасаймоқда. Мисол учун, АҚШ ва Европада жорий январда ушбу машинадан бор-йўғи 2305 та сотилган, ваҳоланки 2000-йиллар бошида ҳар ой ўртача 80 минг донадан “Қўнғиз” сотилган. Эндиликда VW ихчам кроссоверларга устувор аҳамият бермоқда.
2017 йилда Volkswagen Шанхайдаги моторшоуда электр кроссовери I. D. Crozz’ни тақдим қилганди. Мутахассисларнинг фикрича, айнан шу машина компаниянинг конвейерида Beetle ўрнини эгаллайди.
VW Beetle конструкцияси ўзгартирилмаган ҳолда тарихда энг кўп сотилган автомобил ҳисобланади. Маълум қилинишича, бундай машинадан 1938 йилдан 2003 йилгача давр ичида 21,5 млн донадан кўпроқ ишлаб чиқарилган.
Мавзуга оид
08:30 / 26.09.2024
VW касаба уюшмаси билан иш ҳақи ва қисқартиришлар бўйича келиша олмади
13:49 / 05.09.2024
Volkswagen Германиядаги заводларини ёпишга ҳозирланмоқда
14:53 / 03.09.2024
Германияда Volkswagen собиқ раҳбари устидан суд бошланди
21:44 / 02.09.2024