Nissan ва Renault бирлашиш ҳақида музокаралар ўтказмоқда – Bloomberg
![](https://storage.kun.uz/source/3/fW9c3y1QI9zDY8kaY4A2LZcHfib8QNeh.jpg)
Фото: Chris Ratcliffe / Bloomberg
Франциянинг Renault SA ва Япониянинг Nissan Motor Co. компаниялари ўз альянсини (Renault Nissan) мустаҳкамлаш мақсадида музокаралар олиб бормоқда. Бу ҳақда вазиятдан хабардор бўлган манбаларга иқтибос келтирган ҳолда Bloomberg ахборот агентлиги хабар бермоқда. Ушбу қарор “бозорнинг электр автомобиллар томон мисли кўрилмаган силжиши ва каршеринг хизмати оммавийлиги ўсаётган” бир пайтда муҳокама қилинмоқда.
Келишув икки компанияни бир корпорацияга бирлаштириши мумкин. Ҳозирда Renault компанияси Nissan’нинг 43 фоиз акциясига, Nissan эса Renault’нинг 15 фоиз акциясига эга. Nissan шунингдек Mitsubishi Motors’нинг бош акциядори ҳисобланади. Бундан ташқари, икки компания директорлар кенгашига бир киши – Карлос Гон бошчилик қилади. Bloomberg‘нинг маълум қилишича, айнан Карлос Гон музокараларни олиб бормоқда ва бирлашган корпорацияни бошқаришга даъвогар ҳисобланади.
“Бирлашган гигант Volkswagen AG ва Toyota Motor Corp.’га жиддий рақиб бўлади. Nissan ва Renault альянси структураси компанияларга ҳамкорликдан максимал фойда олишга имкон бермасди”, деб айтилган ахборот агентлигида.
Renault акцияси кун давомида 8,3 фоизга кўпайган, компания 36 млрд долларга, Nissan эса 43 млрд долларга баҳоланмоқда. Икки компания Renault’нинг 15 фоиз акциясига эга бўлган Франция ҳукумати рози бўлсагина бирлашади. Шунингдек, бунга Япония ҳукумати розилиги ҳам керак. Битимга Франция ва Япониянинг бирлашган компания қаерда жойлашиши борасидаги фикрлари халақит қилиши мумкин. Ҳозирда янги компаниянинг бош қароргоҳи Лондон ёки Нидерландия жойлашиши имконияти қаралмоқда.
Ҳозирча якуний натижа йўқ, бироқ музокаралар бир неча ойдан бери бормоқда.
2022 йилда Renault ва Nissan 2017 йилда сотилган 10,6 млнта машинага нисбатан 14 млн та машина сотиши кутилмоқда. Дунёдаги энг йирик автомобилсозлик компанияси Volkswagen ўтган йил 10,7 млнта, Toyota эса 10,4 млнта машина сотган.
Мавзуга оид
![](https://storage.kun.uz/source/thumbnails/_medium/10/O6t9aIvxOop-FrB-XMJp0m7ecJej_W_l_medium.jpg)
21:25 / 18.03.2024
Nissan нега Ўзбекистонга кирмаган? Компаниянинг ўзбек менежери билан суҳбат
![](https://storage.kun.uz/source/thumbnails/_medium/9/935zAZ05s8Vjt-8wn-PgwZQgqPNCa2AC_medium.jpg)
17:41 / 24.05.2023
340 от кучига эга “супергибрид” Nissan Х-Trail Хитой бозорида сотувга чиқди
![](https://storage.kun.uz/source/thumbnails/_medium/8/8EkdJw2yZuK9S7qMwodgNqyJ7WESfIsk_medium.jpg)
18:56 / 10.10.2022
Renault бир ўриндиқли Mobilize Solo электромобилини намойиш этди
![](https://storage.kun.uz/source/thumbnails/_medium/8/PBEIS6IoaduRy3MT5FaSOpn7p-4idlar_medium.jpg)
20:25 / 29.07.2022