Дунёдаги энг бардошли автомобиллар рейтинги тузилди

ISeeCars агентлиги таҳлилчилари автомобиллар бозорини ўрганиб, энг ишончли автомобиллар рейтингини тузишди. Бунда бир моделдаги 320 минг км йўл босиб ўтган автомобилларнинг умумий ишлаб чиқарилганига фоиздаги нисбати ҳисобга олинган.   

Тадқиқотда 1981 йилдан 2017 йилгача ишлаб чиқарилган 13,5 млн та автомобил бўйича маълумотлар ҳисобга олинган. Рейтингнинг етакчи ўнталигини асосан АҚШ ва Японияда ишлаб чиқарилган йўлтанламаслар эгаллаган.

Рейтингга кўра, Toyota Sequoia модели энг бардошли автомобил деб топилди. Бу моделдаги конвейердан чиққан машиналардан 6,6 фоизи 320 минг км дан кўпроқ йўл босиб ўтган. 2- ва 3-ўринларни, мос равишда, АҚШнинг Ford Expedition (5,4 фоиз) ва Chevrolet Suburban (5,2 фоиз) моделлари эгаллаган.

4-ўринни Toyota 4Runner (4,2 фоиз), 5-ўринни GMC Yukon (3,9 фоиз) эгаллаган. Етакчи ўнталикдаги кейинги ўринлар Chevrolet Tahoe (3,8 фоиз), люкс синфидаги GMC Yukon (2,8), Toyota Tacoma ўрта ўлчамли пикапи, Toyota Avalon седани ва Honda Odyssey минивэнига насиб қилган.