Сурия Россияга АҚШнинг портлаб кетмаган иккита ракетасини топширди

Фото: Omar Sanadiki/Reuters

Суриялик ҳарбийлар Россияга АҚШнинг иккита қанотли ракетасини юборди, улар Сурияга зарба бериш чоғида портлаб кетмаган. Бу ҳақда ТАСС манбага асосан хабар қилмоқда.

«Ҳар икки ракета анча яхши ҳолатда. Улар 17 апрель куни россиялик ҳарбийларга топширилди», - дея маълум қилган манба.

Шунингдек унинг қўшимча қилишича, ушбу ракеталар 18 апрель куни «самолёт билан Россияга жўнатилган».

Таъкидланишича, агентлик ушбу маълумотни расман тасдиқлаши мумкин бўлган ахборотни ололмаган.

Эслатиб ўтамиз, аввалроқ Россиянинг БМТдаги доимий вакили Василий Небензя Сурия президенти Башар Асадга қарши ҳарбий кучни қўллаш уни музокараларга мажбурлай олмаслиги ҳақида маълум қилганди.

#Россия #АҚШ #Сурия #ракета

АҚШ президенти Дональд Трамп 14 апрель куни Сурияга нисбатан ракета ҳужуми бошланганини билдирди. АҚШ ва унинг иттифоқчилари Сурияда кимёвий қуроллар ишлатилишига жавобан Асад ҳукуматига қарши ҳарбий амалиёт ўтказмоқда.