Қўшимча функционаллар
-
Тунги кўриниш
Жаҳон | 09:09 / 16.05.2018
9006
1 дақиқада ўқилади
Фаластин АҚШдаги элчисини ортга чақиртириб олди
Фото: AFP
Фаластин миллий маъмурияти Вашингтондаги элчисини ортга чақиртириб олди. Бу АҚШ элчихонасининг Тель-Авивдан Ал-Қудсга кўчирилишига жавобан амалга оширилди.
Элчи 16 май куни уйига қайтади. Вашингтонда дипломатнинг чақиртириб олинишига изоҳ берилмаган.
Бундан ташқари, Фаластин етакчиси Маҳмуд Аббос АҚШнинг Ал-Қудсдаги янги элчихонасини “аванпост” деб атади ва элчихонанинг кўчирилишини қоралаган барчага миннатдорлик билдирди.
Қуддус Исроил пойтахти деб тан олиниши
6 декабрь куни АҚШ президенти Дональд Трамп Қуддуснинг Исроил пойтахти деб тан олди. У АҚШ Давлат департаментига Тель-Авивдаги элчихонани Қуддусга кўчиришга тайёргарлик кўришни бошлаш вазифасини топширди.
