"Катта еттилик" саммитига старт берилди

Фото: aa.com.tr

Канадада G7 саммити ўз фаолиятини бошлади.

"Катта еттилик" мамлакатлари раҳбарлари Квебек провинциясининг Шарлевуа туманида тўпланишди.

G7'нинг 44-саммитида АҚШ, Германия, Буюк Британия, Япония, Франция, Канада ва Италия давлатлари раҳбарлари иштирок этишмоқда.

Саммит АҚШ президенти Дональд Трамп ва Франция давлат раҳбари Эммануэль Макрон ўртасида аввал режалаштирилган икки томонлама учрашувнинг бекор қилиниши билан бошланди.

Оқ уй вакилларининг сўзларига кўра, ҳозирда президентлар ўртасида куннинг бошқа қисмида музокаралар ўтказиш имкони кўриб чиқилмоқда.

Саммитнинг кундалик дастури доирасида Дональд Трамп ва Канада бош вазири Жастин Трюдоларнинг қўшма матбуот анжумани ўтказиши режалаштирилган.

Таъкидлаш жоизки, гуруҳ учрашувлари кўтаринки хавфсизлик шароитларида бўлиб ўтмоқда.

G7 саммити 9 июнь куни ўз ниҳоясига етади.

#саммит #G7