Жанубий Корея тарихда биринчи марта «Тхэгик» машқларини бекор қилди
Жанубий Корея Шимолий Корея билан мулоқотни давом эттириш учун ҳарбий машқлар ўтказишни бекор қилди. Бу ҳақда «Рёнхап» агентлиги Жанубий Корея ҳарбий вазирлигидаги номи ошкор этилмаган манбага асосан хабар бермоқда.
«Тхэгик» ҳар йилги уч кунлик ҳарбий машқлар келаси ҳафта сешанба, 26 июнь куни бошланиши керак эди. Жанубий Корея ҳарбий маҳкамасидаги манба сўзларига кўра, кейинроқ машқлар учун мос вақт ва ўтказиш шакли бўйича қарор қабул қилинади. Шу билан бирга, таъкидланишича, уларнинг келажаги ҳозирча номаълум бўлиб турибди.
«Тхэгик» кодли номига эга бўлган машқлар Жанубий Кореяда 1996 йилдан бери ҳар йили май ёки июнь ойида ўтказиб келинади. Жорий йилда улар тарихда биринчи марта бекор қилинади.
Аввалроқ, АҚШ ва Жанубий Кореянинг қўшма машқлари тўхтатилгани ҳақида хабар берилганди. Бундай қарор КХДР билан ядросизлантириш ҳамда ярим оролда тинчликни ўрнатиш бўйича музокаралар давом эттиришни таъминлаш мақсадида қабул қилинди.
Мавзуга оид
20:40 / 21.09.2024
Шимолий Кореяга қочиб ўтган америкалик аскар шармандаларча армиядан ҳайдалгани маълум бўлди
18:21 / 19.09.2024
Дўстона давлатлар бўйлаб турне. Шойгунинг КХДР, Эрон ва Сурияга ташрифлари ортида нима бор?
17:21 / 14.09.2024
Ўзбекистонлик ҳарбийлар Жанубий Кореяда ўтказилган халқаро мусобақада 1-ўринни қўлга киритди
20:19 / 13.09.2024