Андижон вилояти ҳокими ОАВ вакиллари билан учрашув ўтказди

Андижон вилояти ҳокими Шуҳратбек Абдураҳмонов оммавий ахборот воситалари вакиллари билан учрашув ўтказди.

Телевидение, радио, босма ва интернет нашрлари ходимлари билан бўлган мулоқот давомида вилоят раҳбари Ўзбекистон Республикаси Президенти Шавкат Мирзиёев раислигида 4 июль куни ёшлар билан манзилли ва тизимли ишлаш, улар учун муносиб шароитлар яратиш, бандлигини таъминлаш масалаларига бағишланган видеоселектор йиғилишида қўйилган вазифалар, “Обод қишлоқ”, “Ҳар бир оила – тадбиркор” давлат дастурлари ижроси бўйича амалга оширилаётган ва ушбу дастурлар бўйича келажакда амалга оширилиши режалаштирилаётган ишлар юзасидан журналистлар билан суҳбатлашди.

Бундан ташқари, учрашувда Ўзбекистон Республикаси Президенти Шавкат Миромонович Мирзиёев томонларидан жорий йилнинг 27 июнь куни қабул қилинган “Ёшлар — келажагимиз” Давлат дастури ишлаш механизми, вилоятда ушбу дастур бўйича режалаштирилаётган лойиҳалар юзасидан ҳам саволларга жавоб бериб ўтди.    

Элмурод Эрматов, Андижон
KUN.UZ мухбири