Ёзда энг фойдали мева маълум қилинди 

Шифокорлар истеъмол қилишга қарши кўрсатмалар бўлмаса, қорағатни (смородина) фаол истеъмол қилишни тавсия қилишмоқда. Қорағат кўплаб витамин ва фойдали моддаларга эга бўлиб, организм учун жуда фойдалидир. Қорағатнинг истеъмоли бир қатор даволовчи эффектларга эга.

Жумладан, бу ўта витаминлашган резавор мева туфайли қон ва томирлар ҳолати яхшиланади, қон босими меъёрлашади. Тиббий мутахассисларнинг айтишича, гипертониклар қорағат истеъмол қилиш эвазига ёзнинг иссиқ кунлари қон босимлари ошиб кетишидан ўзларини ҳимоя қилишлари мумкин. Бироқ қон босими пасайиши билан боғлиқ муаммоларда қорағатни кам миқдорда истеъмол қилиш лозим. 

Қорағат шунингдек оғиз бўшлиғидаги микробиомга ижобий таъсир қилади. Унинг таркибида стоматит, кариес, галитознинг олдини олувчи квертицин моддаси мавжуд.

Юрак касаллигидан азият чекувчиларга ҳар куни қорағат ёки унинг шарбатини истеъмол қилиш жуда фойдалидир, чунки у калийга ҳам бой. Қорағат сийдик ҳайдовчи хусусиятга эга бўлиб, оёқ шишларида ёрдам беради.

Қорағат, шунингдек, ошқозон-ичак ҳолатини ҳам яхшилар экан. Қорағатнинг ҳар қандай тури, хоҳ қизил, қора, оқи бўлсин, перистальтикани яхшилайди, ичакка номақбул ва хавфли моддалардан самарали тозаланишда ёрдам беради.

Шифокорларнинг таъкидлашича, қорағат стресс ва тушкун ҳолатлардан азият чекувчиларга ҳам кони фойда.