Самарқандда 29 абитуриент тест синовидан четлатилди

Самарқанд вилоятида бўлиб ўтаётган олий ўқув юртларига кириш имтиҳонларида 29 киши четлаштирилган. Бу ҳақда Самарқанд вилояти ИИБ Ахборот хизмати хабар қилмоқда. Унда айтилишича, тест синовлари адолатли ва шаффоф бўлишини таъминлаш мақсадида Самарқанд вилоят ИИБ жиддий назорат-текширув ишларини олиб бормоқда.

Самарқанд вилоят Ички ишлар бошқармаси ходимлари саъй-ҳаракатлари билан 2018 йил 1 ва 2 август кунлари Самарқанд шаҳри Рудакий кўчасида жойлашган “Самарқанд спорт ўйин турлари ва енгил атлетикага ихтисослаштирилган болалар ва ўсмирлар спорт мактаби” биносида ўтказилган Олий ўқув юртларига кириш учун тест синовлари топшириш давомида 19 нафар абитуриент ички тартибни бузган.

10 нафар шахс бошқа абитуриент ўрнига кирганлиги аниқланган. Ҳуқуқбузарликлар аниқланган ва улар тест синовларидан четлаштирилган.

Самарқанд вилояти ИИБ абитуриентларга мурожаат қилиб, Давлат тест маркази томонидан ўрнатилган тартибларга қатъий риоя қилишни сўраган ҳолда, тест синовларида омад ва муваффақиятлар тилаб қолади.

#ДТМ #Самарқанд вилояти

1 августдан 15 августга қадар Ўзбекистонда олий таълим муассасаларига кириш имтиҳонлари бўлиб ўтмоқда. Бу йилги имтиҳонлар аввалги йиллардагидан кескин фарқ қилувчи форматда ташкил этилган, хусусан, тест саволлари 36та эмас, 30тадан, абитуриентлар эса натижаларни имтиҳоннинг кейинги куниёқ билишлари мумкин