Ўзбекистондаги ғорлардан бирида динозаврлар излари топилди
Россия, Франция ва Швейцария олимлари Ўзбекистоннинг Чўлбайир тоғли ҳудудидаги Бойбулоқ ғори атрофида динозаврларнинг изларини аниқлашди. Бу ҳақда экспедиция раҳбари, Екатеринбург спелеологлар клуби раиси Вадим Логинов маълум қилди.
"Ўзбекистон жанубига, Чўлбайир платосига амалга оширилган халқаро экспедиция якунланди, унда Россия, Франция ва Швейцариядан 25 нафар спелеолог қатнашди. Бизга Бойбулоқ ва Александр Вишневский ғорларининг бир-бири билан боғланганлигини ўрганиш таклиф қилинганди. Биз Бойбулоқ ғори устида динозаврлар изларига дуч келдик. Ҳудудда бундай изларни бир неча йил излагандик ва уларни тасодифан топдик", - деди у.
Логиновнинг айтишича, экспедиция натижасида 2 километрдан ортиқ янги йўллар очилган ва ғорларнинг бирлашиши бўйича учта асосий йўналиш аниқланган.
Экспедиция Екатеринбург шаҳри спелеологлар клуби томонидан ташкиллаштирилган бўлиб, Урал спелеологлар ассоциацияси, Россия ва Франция спелеологлар иттифоқлари қўллаб-қувватлови остида амалга оширилди.
Мавзуга оид
09:42 / 26.08.2023
Бой-булоқ ғори чуқурлиги рекорд даражада «узайди»
11:01 / 20.07.2022
Сурхондарёдаги туз ғорига зарар етказиши мумкин бўлган ҳолатлар мавжуд — Маданий мерос агентлиги
12:37 / 24.06.2022
Хоннинг ҳарбий ҳийласи ёхуд рус отрядининг Хива остонасидаги ҳалокати
13:50 / 28.10.2019