Google собиқ раҳбари интернет иккига бўлиниб кетиши мумкинлигини айтди
Google компаниясининг собиқ бош директори Эрик Шмидт 2028 йилга келиб интернет иккита талқинда мавжуд бўлишини айтди. Унинг сўзларига кўра, интернет АҚШ ва Хитой ўртасида бўлинади. Бу ҳақда CNBC хабар қилди.
Шмидт бу фикрларни Сан-Францискода бўлиб ўтган Village Global VC инвестиция компаниясининг ёпиқ тадбирида айтган. Унинг фикрича, 2028 йилда интернет иккига бўлинади.
«Ўйлашимча, интернет иккига - Хитой ва Америка етакчилигидаги интернетга бўлинади», — деган Шмидт.
У Хитой компанияларининг ривожланиш даражасини ҳам қайд этган. Мамлакат ЯИМнинг асосий улуши интернетга тўғри келиши бўйича Хитой АҚШни ортда қолдирмоқда. Google собиқ раҳбари шунингдек, Хитой IT-саноатда етакчиликни қўлга олишини тахмин қилган.
«60га яқин давлат иштирок этаётган «Бир камар — бир йўл» ташаббусининг қандай амалга оширилаётганига назар ташланг: бу давлатлар Хитой таклиф қилаётган инфраструктурадан фойдаланиши эҳтимоли мавжуд», — деган Шмидт.
Мавзуга оид
22:30 / 04.10.2024
YouTube хатолик сабаб юзлаб аккаунтларни спам ва фирибгарлик учун блоклаб қўйди
00:48 / 26.09.2024
Google Еврокомиссияга Microsoftʼнинг рақобатга зид булутли амалиёти устидан шикоят киритди
22:21 / 18.09.2024
Европа Иттифоқи суди Google’га белгиланган 1,5 млрд евролик жаримани бекор қилди
21:33 / 10.09.2024