Илон Маск ўзини 20 млн долларлик жаримага тортган идоранинг устидан кулди
Tesla ва SpaceX компаниялари асосчиси Илон Маск твиттердаги ўз саҳифасида АҚШ қимматбаҳо қоғозлар ва биржалар бўйича комиссиясининг устидан кулди.
Аввалроқ, ушбу идора ва Маск Tesla асосчисига фирибгарлик бўйича қўйилган айбловларни судга қадар тартибда ҳал қилгани хабар берилганди. Комиссия Маскдан Tesla директорлар кенгаши раиси лавозимидан кетишни ҳамда 20 миллион доллар жарима тўлашни талаб қилди.
«Шунчаки шуни айтмоқчиманки, Бойиш бўйича фирибгарлик комиссияси (Shortseller Enrichment Commission, идоранинг ҳақиқий номи - Securities and Exchange Commission. - таҳ.) ажойиб иш қилмоқда», - дея ёзади Маск.
Шунингдек, у комиссияга номни ўзи ўйлаб топганга ўзгартиришни маслаҳат берди.
Эслатиб ўтамиз, аввалроқ Илон Маск бир кунда 1,5 млрд доллар йўқотгани хабар қилинганди.
Мавзуга оид
23:56 / 04.10.2024
Tesla АҚШдаги энг ҳамёнбоп модели савдосини тўхтатди
11:15 / 02.10.2024
Флоридада “Ҳелен” тўфони сабаб сув босган гаражда Tesla автомобили ёниб кетди
22:34 / 30.09.2024
Илон Маск «дронлар тўдаси» ўртасида жанглар содир бўлишидан огоҳлантирди
21:50 / 28.09.2024