Видео: «Интер» футболчиси ўз айёрлиги билан Мессини қойил қолдирди

Чемпионлар лигасининг гуруҳ босқичи 3-тури доирасида «Барселона» ва «Интер» ўртасида кечган баҳснинг иккинчи бўлимида қизиқ ҳолат юзага келди.

Ўйиннинг 66-дақиқасида мезбонлар ҳужумчиси Луис Суарес жарима зарбасини амалга оширди. Бу вақтда жонли девор ортида «Интер» яримҳимоячиси Марсело Брозович пайдо бўлди ва жонли девордаги футболчилар тўп юқоридан келишини кутиб, баланд сакрашганида, у ерга ётиб олди ҳамда Суареснинг айёрлик билан ерлатиб берган зарбасини унданда айёрлик билан қайтариб юборди.

Ўйинни трибунада ўтириб кузатаётган Лионель Месси эса хорватиялик футболчининг ҳаракатига қойил қолганини яшириб ўтирмади.