АҚШ Гуантанамодаги террорчиларни Сурияга қарши қўллаганликда айбланмоқда
Суриянинг БМТдаги доимий вакили Башар Жафарийнинг айтишича, АҚШ Гуантанамодаги турмасидан террорчиликда айбланган маҳбусларни озод қилиб, уларнинг Сурияга етиб олишида ёрдам кўрсатган.
Жафарий БМТ Хавфсизлик кенгаши йиғилишида шундай террорчилардан бири ҳақида гапириб берган. “Жихаб Диёз, шунингдек Абу ал-Диёз номи билан таниқли бўлган суриялик террорчи 2000 йилда Афғонистонга “Ал-Қоида” сафида ҳаракат қилиш учун жўнаган. Покистон хавфсизлик кучлари уни бошқа террорчилар билан бирга қўлга олган. Покистон бу одамларни АҚШ разведкасига топширган ва улар Гуантанамога жўнатилган”, деб таъкидлаб ўтган Сурия вакили.
Жафарийнинг айтишича, Суриядаги ихтилоф вақтида “АҚШ Гуантанамо турмасидаги кўплаб маҳбусларни озод қилган”. “Бу одамлар менинг давлатимда таажжубли ҳолда пайдо бўлган. Уларга виза ва паспорт берилган, Сурияга етиб олишлари учун катта сарф-харажатларни талаб қилган кўмак кўрсатилган.
Дипломатнинг айтишича, халқаро террорчилар орасида Диёз ҳам бўлган. “Айни вақтда террорчи Туркияда яшайди, у Туркия ва Сурия ўртасида бемалол ҳаракатланади, “ан-Нусра” сафида жанг қилади, санкциялар рўйхатига киритилган. Шунчаки бу янгиликни сизга етказмоқчийдим”, деб ўз сўзларини якунлаган Жафарий.
Мавзуга оид
22:03
Трамп дебат ўтказиш ҳақидаги Ҳаррис таклифини рад этди
23:13 / 21.09.2024
Ҳаррис сайлов кампаниясида Трампдан уч баробар кўп маблағ тўплади — ОАВ
20:40 / 21.09.2024
Шимолий Кореяга қочиб ўтган америкалик аскар шармандаларча армиядан ҳайдалгани маълум бўлди
17:10 / 21.09.2024