Миллий гвардия қўмондони ва Ички ишлар вазирига ҳам янги ҳарбий унвонлар берилди

Ўзбекистон президенти фармонига биноан Ўзбекистон Миллий гвардияси қўмондони Баҳодир Тошматов, Ички ишлар вазири Пўлат Бобожонов ҳамда президент маслаҳатчиси, Фавқулодда вазиятлар вазири вазифасини бажарувчи Турсунхон Худойбергеновга турли даражадаги генераллик унвонлари берилди.

Хусусан, Миллий гвардия бошлиғи Баҳодир Тошматов Ўзбекистонда даражаси жиҳатидан иккинчи ўринда турадиган (армия генерали унвонидан кейин) генерал-полковник ҳарбий унвони билан тақдирланган. У Ўзбекистоннинг янги тарихида бундай даражадаги унвонни олган еттинчи киши бўлди.