Windows фойдаланувчиларининг ярмидан кўпи хавф остида қолди

Windows базасидаги компьютерларда ўрнатилган дастурларнинг ярмидан кўпи фойдаланувчиларга камчиликлар туфайли хавф туғдиради. Бунинг сабаби эскирган версияларда, дея аниқлади Avast вирусларга қарши дастурлар компанияси 163 миллион қурилма таҳлили асосида.

Тадқиқотчилар айтишича, фойдаланувчиларнинг 94 фоиздан кўпи Skype’нинг эскирган версиясидан фойдаланади, 85 фоизи Mozilla Firefox эски версиясини ишлатади, 77 фоизи iTunes’ни янгиламаган.

Компания мутахассислари фойдаланувчиларни огоҳлантириб, кибержиноятчилар софтнинг эскирган версиялари ёрдамида «компьютерни бузиши» мумкинлиги ҳақида маълум қилишди.

Вирусларга қарши дастурлар ишлаб чиқувчиларнинг алоҳида таъкидлашича, Microsoft Office эски версияларига янгиланишлар чиқмаяпти, бу ҳам эҳтимолий хакерлар ҳужумида компьютер хавфсизлигига салбий таъсир кўрсатиши мумкин. Мутахассислар фойдаланувчиларга ноқулай оқибатлар келиб чиқмаслиги учун софтни ўз вақтида янгилашни тавсия қилдилар.